切錯肺


個人分享
Tagged With: , , , , , , , , ,

「醫療」

香港嘅醫療真係越嚟越差,而家去政府醫院睇醫生真係乜都有可能發生!雖然自己屋企都發生過唔少匪夷所思嘅醫療事件,但係而家差到一個地步你會以為自己去咗睇無牌醫生咁。醫療事故真係日日新鮮,當然我唔係話批評所有醫生同護士事,因為香港係有好醫生同護士只不過好個班大部份都唔會係政府醫院度工作。所以去政府醫院睇醫生簡直好似買六合彩咁!

「痴線」

每次睇到醫療事故都覺得好無奈,香港係一個發達嘅城市,而且香港醫療嘅水平亦唔係差。但係今次竟然可以將一個肺癆嘅病人當咗一個肺癌病人,重點係當醫院切除咗四份之一之後先至發現原來嗰個病人並無肺癌。而家仲走出嚟話嗰個病人就算切咗四份之一個肺部,仍可維持日常生活同做輕量運動。吓!咁都叫做正常生活?冇嘢呀?因為醫療程序出錯,仲講風涼話?

「問題」

究竟點解可以將病人嘅測試樣本污染而導致咁嘅醫療事故?同時點解個醫生開刀嘅時候睇唔出個病人其實係無癌症?當然我唔係醫生,但係而家係唔係去到一個地步就算你去完政府醫院睇醫生,之後到要自己再出去搵多個私家醫生再檢查多一次?真係有啲荒謬,一個市民竟然唔可以相信一個政府嘅醫療。講真都咪話唔驚,因為好多緊急情況都係要去政府醫院。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.