一句話

「熱潮」

唔知大家有冇留意到近排係社交媒體出現好多「一句話」乜乜乜嘅群組!其實都唔知個源頭同係邊樹發起先,但係回響係嚟幾日就好大。而陸陸續續嚟啲群組就越生越多。隨便係社交媒體搜尋一下就已經揾到好多唔同類型嘅「一句話」群組。當然有好多你會覺得好有共鳴,因為有可能你日日都會遇到同樣嘅問題。當然我自己每日亦都遇到唔同嘅「一句話」而有啲真係會辣慶你!

「一句」

好多時,嚟啲「一句話」而辣慶唔同行業嘅人都係因為外界唔了解自己嘅行業運作,同時好多嘢其實睇落以為好簡單但係做起上嚟其實係要花好多時間。所以有時候係有必要教育講嚟啲嘢嘅人。就正如我哋做數據分析,好多人都唔明白點解我哋收得咁貴同埋價值係邊。所以對於一啲唔了解嘅我哋嘅人,我哋會盡量解釋個原因。不過有啲解釋完都無用,所以有時都費事浪費唇舌。

「回響」

當然近排嚟啲群組回響好大,而對我嚟講最最最有共鳴嘅其實係同設計師有關嘅群組。點解?因為自己以前亦都係一位設計師,所以可多「一句話」係好有共鳴。事關做設計好多時都唔係太受客戶嘅尊重,呼呼喝喝,一句話唔鍾意就要你重新設計過。之後反反覆覆設計好多個版本,到最後點知都係用返最初嘅設計。所以話呢,設計真係各花入各眼,而好多時都係個人觀點主導,所以未攪成噉囉!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]