起格命

「屈機」

今個暑假真係有好多好嘅戲上映,當中包括「蟻俠」,「迷你兵團」,「神奇四俠」,「玩轉腦朋友」,「屈機起格命」,等等。當然有好多都無得睇,因為個仔出世前後都無時間同老婆兩公婆去睇戲。我諗之後都要買返碟返屋企睇返晒啲錯過咗好戲。而以上我當然最想睇嘅就一定係「蟻俠」同「屈機起格命」,因為後者有我至愛嘅「迷你」做「食鬼」入面啲「鬼」。真係型到爆!

「格命」

今日梗係起「格命」啦,事關今日車會安排咗會員一齊出嚟聚會同睇啱啱上映嘅「屈機起格命」。作為一個「迷你」嘅車主同粉絲就一定唔會錯過啦,而更重要嘅係,套戯係講關於以前嘅電子遊戲。相信有啲大家都一定玩過,嚟啲遊戲包括「食鬼」,「大金剛」,「大蜜蜂」,「大蜈蚣」,「太空侵略者」,等等。所以真係好多童年回憶係呢套戯入面。

「感想」

好啦如果你未睇嘅話,可能有少少劇透。套戯大致上係講美國太空總署將地球嘅文化同生態嘅時空膠囊送出去宇宙,而當中包括一班打機好叻嘅細路比賽嘅片段。點知啲外星人就以為嚟啲片段係同佢哋宣戰,所以佢哋就用遊戲入面嘅角色攻打地球。當然班細路過咗咁多年已經長大成人,而因為佢哋打經典遊戲好叻,所以就幫手擊退班外星人。當然最好睇個段就當然係「食鬼」啦,因為四架「迷你」變身成遊戲入面嗰四隻鬼!超級過癮!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]