好恐怖


個人分享
Tagged With: , , , , , , , , ,

「曼谷」

好多香港人都好鍾意去泰國曼谷旅行,當然去曼谷嘅就邊少得去拜『四面佛』。相信大部份嘅人都會去過,就算無真正入過去,點都會經過。因為佢係市中心,同附近有好幾個大型商場。而係琴日夜晚竟然係『四面佛』對開嘅十字路口發生炸彈爆炸!由於當時現場好多人所以造成唔少嘅傷亡。係網上面睇到啲片真係幾恐怖,事關好突然同爆炸力都好大!

「炸彈」

接二連三嘅悲劇不斷發生,而最近兩次都係因為爆炸而奪去唔少嘅性命。今次泰國嘅爆炸估計係由三公斤嘅黃色炸藥而造成,而現場亦炸出咗一個兩米闊嘅大坑。與此同時『四面佛』周圍亦受到嚴重嘅破壞,玻璃散滿一地。今次炸彈爆炸已經造成多人死傷,而當中亦有香港人在內。點解世界上有啲咁嘅人存在,可以因為唔同嘅原因而奪取其他人嘅性命!

「人命」

雖然話世事難料,但係草菅人命就係另一回事。好明顯今次嘅炸彈襲擊係有預謀,如果唔係點會揀啲咁多人嘅地方同嗰個時間去引爆個炸彈?今次嘅死亡人數應該仲會上升,而希望之後唔好再有恐怖襲擊。啲人真係變態,點解可以冇啦啦喺條街度放個炸彈,究竟為咗啲乜?有啲乜嘢目的?隨隨便便奪取別人嘅性命真係唔可以原諒。希望當局可以盡快將疑兇緝拿歸案!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.