超荒謬


個人分享
Tagged With: , , , , , , , , ,

「創新」

今日最多人係社交媒體到討論嘅就當然係「UBER」啦!咁我就當然撐佢哋啦,而佢哋係有問題,但係呢個唔係重點。個重點係香港呢個政府真係講一套做一套,雖然話係現今嘅法律下佢哋係有可能或甚至乎犯咗法。但係香港政府成日話要創新同吸引外國嘅創新公司同投資者嚟香港,而今次打擊所謂嘅白牌車就再次令香港人對比傳統的士嘅不同問題!同時亦對香港嘅形象有所影響。

「打擊」

今次政府打擊「UBER」以為自己好型,但係「投資推廣署」係上個月曾經介紹過「UBER」,更提到上年六月起香港試業。而係佢哋推出服務之前,「投資推廣署」網頁提及到曾經向「UBER」提供香港公共交通工具相關嘅資料,以及進入香港市場嘅策略。其後就俾人發現該篇內容被人刪除。真係又要威又要戴頭盔。咁究竟要「投資推廣署」嚟做乜?

「用戶」

作為一個用家最緊要係乜?咁就當然係服務態度同質素啦。之前因為要送我嫲嫲同行動唔好嘅爺爺返屋企,就用佢哋嘅服務。個司機超細心,照顧兩老嘅上落。而主緊要係一架七人車,唔似的士咁好難上落,方便老人家!當然你可以話搵鑽石的,不過好難叫到而收費亦超貴。另一點就係我可以透過手機程式知道佢哋去到邊,確保佢哋安全返到屋企。所以話,點樣可以同香港嘅的士比呢?

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]