好朋友

「朋友」

唔知大家有冇發現,當人越嚟越大嘅時候,身邊嘅朋友就好似越嚟越少。當然有啲人話因為大家嘅生活唔同咗,工作同生活環境唔同咗,甚至乎結咗婚生埋仔就梗加唔駛諗,事關屋企行先。所以見面嘅時間越嚟越少,關係越嚟越疏遠。慢慢可以無所不談嘅朋友就越嚟越少,因為好多時新相識嘅朋友都只係萍水相逢,而唔係由細玩到大嘅老朋友。

「人生」

有時自己諗,如果可以毫無保留地講所有嘢嘅朋友我有幾多個,我諗五隻手指數得晒。唔知係唔係人大咗嘅關係,越嚟越唔會將所有嘢攞出嚟講,尤其係講心事就更加買少見少。除非真係老朋友,如果唔係始終唔會講太多。當然人生係不同階段會認識到唔同嘅朋友,但係始終唔及由細到大一齊長大嘅朋友。有時唔需要成日見,但係一見面就無所不談。嚟啲朋友真係買少見少!

「珍惜」

而家科技發達大家都可以隨時隨地同世界各地朋友聯絡,但係始終有啲唔同。有時好懷念以前大家夜晚冇嘢做,就約出嚟飲嘢吹水,但係當大家讀完書之後就越嚟越難。不過點都好,嚟啲朋友先會兩脇插刀,同你講真話。所以當大家有時間出嚟見面就真係要好好珍惜,因為朋友真係要見。無論點都好雖然大家嘅生活唔同咗,但係只要有需要嘅時候,佢哋都一定會撐自己。多謝你哋呀!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]