十二朝

「習俗」

其實所謂嘅「十二朝」就係嬰兒出世嘅第十二日。而根據傳統習俗,所有親朋戚友都要等到「十二朝」之後先可以去探個媽媽同個初生嬰兒。咁點解係十二日呢?我諗真係無人知,不過有一樣嘢肯定嘅就係要等孕婦產後休息多啲。因為一般生產完之後體力都會比較差,而初生嬰兒亦都比較脆弱。所以要應酬一大班人嘅話真係未必頂得順,尤其係頭幾日要捱更抵夜照顧個初生嬰兒。

「今日」

今日係郭大少出世第十二日,亦即係話今日就係「十二朝」啦。不過老婆嚟嘅日仲係痛痛地,希望佢快啲可以好返啦。而今日老婆試咗之前煲落嘅薑醋仲話好好味。不過我仲未食過啲豬腳同蛋,但係試咗啲醋就真係幾好味。但係老婆因為開刀,所以暫時唔可以食啲薑住。其實唔講都唔知「十二朝」原來有好多習俗,又碌柚葉洗身,剃胎髮,派薑醋,煮雞酒,真係今時今日先知!

「原來」

寫寫係今日篇文嘅時候先發現原來寫到第三百一十六篇。咁有乜咁特別?因為我同我老婆係三月十六號結婚囉!有時都唔知係咁啱得咁橋,好多嘢都好似整定。不過而家一家五口,都慢慢適應緊嚟個新成員。我諗嚟刻我老婆應該希望快啲坐完月,事關佢無得沖涼同洗頭。同埋今年因為要坐月,無得出去慶祝生日。唔緊要啦,等你坐完月,我哋三人行去慶祝下啦!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]