親子樂

「爸爸」

今日睇咗一篇文章係講現今嘅爸爸大部份都冇時間陪自己嘅小朋友。一句「爸爸,你再不陪我,我就長大了」,唔知有幾多人睇完或聽完之後會有乜嘢感覺。係過去嚟幾日係屋幫手湊個仔,你就知其實已前啲父母又幾勁。我真係無辦法想像點樣可以淨係得個老婆加老爺奶奶或者外父外母去照顧一個初生嬰兒。因為我覺得如果個老公唔係屋企照顧佢哋真係唔知點頂!

「時間」

好多時我都會講作為父親,點都要見證自己嘅孩子嘅每一個時刻。你會唔會記得佢嘅一言一行,第一次喊,第一次笑,第一次講嘢,第一次轉身,第一次識行,等等。好多好多嘅第一次!因為係佢哋嘅過程成長中,除咗媽媽之外,其實爸爸嘅角色係好重要,而唔應該覺得有好多時間。所以自己出嚟創業,其實或多或少都係因為想有小朋友嘅時候可以陪佢哋多啲!

「陪伴」

之前有一個調查發現百分之五十嘅爸爸每週陪孩子平均不足五小時,百分之三十嘅爸爸返屋企後上網娛樂,百分之二十嘅爸爸放工後返屋企陪小朋友。其實無論幾忙,我都認為要多啲花時間係小朋友嘅身上。所以我亦希望做好爸爸嘅本份,可以見證個仔成長嘅每一個重要時刻。當然最緊要提醒自己唔好變成怪獸家長啦。而家同老婆係屋企照顧佢,希望快啲可以三人行啦!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]