做決定


個人分享, 創業辛酸
Tagged With: , , , , , ,

「藝術」

創業係一種藝術,所以唔同人有唔同嘅睇法同做法。每個決定都會改變公司嘅發展,而好多時都會影響深遠。我個人認為呢個世界有兩種鍊成術,就好似「頭文字 D」入面嘅兩位車手。一個係以非正式訓練方法鍊成,而另一種係以正規訓練方法鍊成。當然各有各好處,就好似學功夫咁,有唔同嘅拳法。但係我相信要識得放手先係最難。就好似啲人賭錢咁,越踩越深!

「決定」

好多時我都唔知自己做嘅決定係啱定錯,但係做咗就無得後悔,只係當你知道做錯嘅時候就要面對!當然我仲未學識點樣放手,事關每個創業者都會遇到嘅問題。有時明知堅持反而係負累,而嚟啲先至真係感情用事。當然如果係快嚟快去就無所謂,但係畢竟已經堅持咁耐,都希望一啲超唔實際嘅嘢會發生。有時都會諗返當日放棄高薪厚職係唔係明智。點都好已經決定咗就冇得返轉頭!

「現實」

點解突然講呢樣嘢?其實係因為今日聽到電台訪問「Backstage Live Restaurant」。如果大家知道嘅話每個星期嗰度係好多音樂人發迹前嘅表演舞台,而最近因為被業主加租三成而被迫下個月結業。但係我最欣賞嘅係喺今日嘅訪問入面,佢哋提到因為佢哋嘅出現令到越來越多人加入市場與。此同時令更多人有更多嘅平台接觸嚟啲音樂人。但係佢哋就覺得已經完成任務,而我亦係度諗,我完成任務未呢?

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]