一張紙


個人分享
Tagged With: , , , , , , , , ,

「一生」

人嘅一生好多時都係為咗一張紙,其實啲紙有乜用?由出世嘅第一張紙「出世紙」,之後讀書係為咗一張唔同階段嘅「畢業證書」,到咗搵工做嘢就係為咗張「受聘書」,離職嘅時候就為咗張「推薦信」。好啦人生到咗結婚嘅時候就為咗「結婚證明書」,如果無大問題就希望白頭到老唔使要嗰張「離婚證明書」。當你要買物業嘅時候就有「樓契」,而直至到你死個日就係你人生最後一張紙「死亡證明書」!

「追求」

其實點解人生要咁多張紙?我其實唔係好明,因為每一張紙只係為咗去管理同束縛人嘅一生。而現今社會,嚟啲紙應該慢慢會消失,但係原因唔係被制度淘汰而係被科技。當然好多人都仲係好追求人生嘅每一張紙,但係我覺得除咗「出世紙」同「死亡證」係一定需要之外,好多時真係因為一張紙就令人生陷入苦境!要「大學畢業證書」先搵到工?要「結婚證明書」先叫做一生一世?

「浮雲」

人生如浮雲,正如我同老婆講,有時係冇乜錢,但係最緊要知道自己做乜。有一個豐滿人生,有時錢係需要,但係俾你擁有所有錢又如何。到最後健康先至係最大嘅資產。所以話人嘅一生,最重要都係得兩張紙,何必咁介懷。好多時,事在人為,開開心心又過一日。如果你明白呢個道理,咁你應該會比較開心,但係生活係香港呢個環境,俾大環境影響,講真我真係覺得比較困難!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]