餵母乳


個人分享
Tagged With: , , , , , , , , ,

「母乳」

如果你唔係女人,又未試過懷孕同生孩子。我諗一般人同我一樣或者都以為女人生完細路仔之後就自自然然會有母乳,但係原來係唔一定。事關原來餵母乳係有好多學問,而唔係個個媽媽都可以有足夠母乳俾個初生嬰兒。如果唔係老婆之前睇關於母乳餵哺嘅資料再話比我知,我真係以為餵母乳係一件相對簡單嘅事情。不過過去幾日見到老婆都覺得佢勁!

「餵哺」

香港而家其實越嚟越主張初生嬰兒係餵哺母乳而唔係飲奶粉。但係要餵母乳就要好注意起居飲食,一般人係唔會知食乜嘢係會增加母乳乜嘢係會令你收母乳。而大部份人唔講唔知其實係真係會好痛,而當初初開始嘅時候,乳腺係有機會塞以導致痛楚,所以係有必要去推鬆佢。如果唔係就會令乳房變到石頭咁硬,同塞乳腺。見到老婆咁辛苦真係心都痛,但係好佩服老婆,因為佢其實好怕痛都頂硬上!

「辛苦」

老婆呢幾日真係好辛苦,除咗要生個仔出嚟,重要一路餵母乳。當然開始嘅時候好痛,而家比起前幾日好,就算唔係俾個仔埋身食,但係就要幾個鐘頭去泵奶一次。真係佩服嗰啲要照顧雙胞胎嘅父母。一個都已經拿手唔成世,兩個一齊嚟嘅話真係唔得你死!希望老婆繼續努力,我知你為個仔付出好多!你好好休息,夜晚你就等我嚟啦。呢個新手爸爸都唔係流架!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]