返屋企


個人分享
Tagged With: , , , , , , , , ,

「屋企」

咩係講笑,多咗個仔之後短短幾日,老婆就已經同我講我越嚟越無地位。因為依家有咗個仔。聽完真係滴汗!只不過結咗婚年半就已經俾人打咗入個冷宮。不過其實我真係無所謂,只要一家人開開心心咁一齊。而今日係個仔返屋企嘅大日子,所以琴晚咋咋臨做晒公司啲嘢,然後再一次清潔屋企。同時因為個仔要照燈,所以其實都有少少擔心佢要係醫院住多陣。

「出院」

好嘢!今日老婆同個仔終於出院啦!老婆恨不得快啲離開,因為佢無覺好瞓,而佢住咗係醫院五日,真係幾辛苦!但係因為個仔啲黃膽素偏高要照燈,老婆驚今日未必出到院。但係今朝兒科醫生話有改善,所以阿仔可以出院啦!我同老婆梗係好開心啦,因為怕要留低佢自己係醫院嘛!當執拾好行裝之後,就當然係同阿仔係醫院影返張全家福先啦!跟住嘅無得瞓嘅日子就開始啦!

「忙碌」

一返到屋企,一心諗住應該無問題,點知我兩公婆做到趴係度!個仔返到嚟唔係太食嘢,或者係因為啲黃膽又升返。事關姑娘話佢每三個鐘要食三安士奶。忙咗成晚,終於食咗奶,之後睇下尿片,點知賴咗尿。諗住換片啦,話我未完就請我飲茶!又要抹身,又要換衫。所以今晚趕唔切係十點出文。我諗之後都未必可以好似以前咁準時日日出文。。。鬼叫佢係自己個仔咩!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]