做第一


創業辛酸
Tagged With: , , , , , , , , ,

「市場」

創業有時係好睇天時,地利,人和。要成功嘅當然就係搵到啱嘅市場,而好多時要成功做第一亦都可以,不過就要不斷開荒,不斷背水行舟。所以有時真係一不做二不休,一係就做市場最大嗰個,一係就係做市場嘅第一個。因為好多時真係行先一步,理想達到!霸咗地頭,插座旗,之後先至見步行步!當然好大機會係嚟段時間不斷出現競爭者,但係只要比人快,比人有名,比人有信用,不斷走在最前做第一亦可!

「認證」

其實一直我都好想公司可以成為 Google Analytics -(谷歌分析)嘅 Certified Partner -(認證合作夥伴),而香港一直都未出現。雖然過咗五年,而嚟五年我一直擔心做唔到第一,因為五年係一個好長嘅時間,而競爭者係好大可能出現。結果終於係今日公司得到認證,正式成為香港本土第一間谷歌分析合作夥伴!得到嚟個消息之後真係好開心!不過前面條路仲有排行!要更加努力!

「困難」

其實點解要搞咁耐?因為香港真係一個未開發嘅市場,而要做認證夥伴係需要有一定既客戶同專業知識,唔係隨隨便便就可以得到認證。而過去五年,我哋好努力咁不斷去開發數據分析市場,但係香港始終非常落後,而好多現時市場所需要嘅分析都係巿場推廣比較多。而要達到谷歌嘅要求係要處理複雜嘅數據分析項目。所以要等五年先至可以做到呢個香港第一。真係有血有淚!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Click to share on Facebook (Opens in new window)Click [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Click to share on Facebook (Opens in new window)Click [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Click to share on Facebook (Opens in new window)Click [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Click to share on Facebook (Opens in new window)Click [...]