叫咩名

「生仔」

唔好意思,今日都仲係講我個仔。希望唔會悶親大家啦!真係估唔到個仔咁就出咗世三日,果然真係時間過得好快,啲嘢都嚟得好快!好多嘢基本係冇時間去諗,快手快腳做完佢。不過係醫院幾日,聽到唔同嘅個案,而家諗返,最終老婆揀開刀都唔係一件壞事。因為好多嘢都可以係控制範圍入面,而要面對嘅風險好似比較少。依家就當然放心晒啦!

「改名」

一直以嚟,我同老婆都喺度典緊阿仔個英文名叫乜,最後我哋都係決定等佢出咗世先,睇下佢個樣先決定佢叫乜嘢名。根據過去幾日嘅觀察,佢比較精靈同古惑,所以今日終於決定個仔嘅英文名叫做「Kasper」!而佢個名當然有我同我老婆嘅元素係入面啦!但係改完英文名就要改中文名啦,不過中文名就要搵個師傅睇下佢乜嘢名好。始終係中國人嘛!

「點解」

其實點解叫嚟個名?當然最主要嘅係佢個樣有啲似。我哋其實諗咗四五個英文名,之前隔住個肚問佢鍾意邊個,最終佢對「Javis」同「Kasper」有反應。但係佢一出世我就覺得佢似「Kasper」。而個發音係有少少張我同老婆個名加埋一齊,所以我都覺得有啲意思。改好個名之後就唔使唔知點叫佢,不過叫慣咗佢做郭小「B」,有時都改唔到口!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]