倒數啦


個人分享
Tagged With: , , , , , , , ,

「倒數」

嚟到最後幾日,毫無意外郭大少應該係下星期一面世,而老婆終於可以卸貨啦。但係我哋真係未諗掂佢英文名叫乜嘢名好,真係大鑊。隔住個肚問佢,得兩個名有反應,但係再問佢個兩個名邊個好啲,佢就一啲反應都無。阿仔,你想叫乜嘢名呀?諗名真係一個好痛苦嘅問題。不過點都好啦,我哋真係好期待你加入我哋嚟個小家庭。阿哥同家姐都等緊你出世。

「準備」

要準備嘅嘢應該都準備好,當然出咗世之後仲有大把嘢要處理。有時諗起都頭痛,唔知點好。不過人生就係咁架啦,好嘅又一日,唔好嘅又一日。雖然有好多未知之數,不過我相信我哋一家人開開心心就得。希望星期一樣樣嘢都可以順順利利,最好就當然你自己出嚟,唔駛醫生足你先肯出嚟。等咗十個月終於可以見到你啦,而家嘅心情真係有啲複雜。

「最後」

聽日係最後一次去醫生度做檢查,睇下係唔係要醫生足你先肯出嚟。不過仲有幾日,唔知你會唔會比個驚喜我哋,自己走出嚟。當然我知道好多嘢唔可以控制,所以隨緣啦。不過要老婆捱一刀,真係有啲心痛。講到尾都係一個手術,點都有啲風險。雖然話現今醫學昌明,但係話唔擔心就係假嘅。點都好又係時候調節心情,因為嚟幾日又諗得太多唔好嘅嘢。都係之後先算啦,搞掂面前嘅嘢先。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]