搵出路


個人分享
Tagged With: , , , , , , , , ,

「讀書」

我其實讀書唔叻,而因為無考到足夠嘅分數入自己心儀嘅大學科目。當時真係好白痴,以為得返同一間大學,轉科會好容易,但係其實都要睇分數。所以就係咁,就是但揀咗科讀。當然就梗係一敗塗地啦!事關係中學我讀嘅嘢全部同設計有關,所以基本上我大學係科科肥佬。就係咁,覺得唔好浪費時間,所以就開咗第一間網頁設計公司!而當時正值科網年代!

「出路」

我好多時都講路係自己行出嚟,而無人可以話比你聽應該點行!睇返自己,如果我繼續讀大學,應該冇今日嘅我。當時淨係知道繼續讀書只會浪費光陰,同時機會係自己爭取同努力返嚟。邊個話要有大學學位先至入到大公司?我連一張沙紙都無,憑乜嘢可以入到國際大公司仲可以管理一個跨國團隊?所以入唔到大學唔緊要,憑自己努力都可以有出頭嘅一日!

「工作」

老實講,做咗嘢咁多年,請過無數人,而好多時都未必係讀書好叻。因為讀書同做嘢係兩回事!當係社會大學經歷咗咁多年,真係學咗好多野。甚至乎前幾年返去讀大學,發現其實係大公司工作已經學晒大學所教嘅嘢。所以有時都幾無奈,比幾萬蚊去讀書,但係就係得張沙紙咁多!所以其實努力工作亦都係一條出路,而入大學只係其中一條路!唔駛灰心!大家加油!總有出頭天!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]