放產假

「產假」

今日係老婆最後一日返工,聽日起就開始放產假,準備迎接郭大少嘅來臨。我哋亦準備倒數最後十四日。當然嚟個係用預產期嚟計喇,但係其實佢真係可能會早啲出嚟都未定。所以係老婆放假之前,就做埋最後一次產前檢查,而亦都應該係通過超聲波睇郭大少個樣。但係點知今日竟然整個睡羅漢樣比我哋睇,仲要托住個頭好似好不滿咁。另外就當然想俾醫生睇下老婆易唔易生郭大少再決定開刀定順產。因為老婆好驚痛所以一直心大心細。

「檢查」

今日本來去做最後一次產前檢查,因為想等醫生幫老婆睇下會唔會痛好耐先生到郭大少出嚟再決定點。老婆本來已經克服咗心理障礙,一心諗住順產,但係今日醫生檢查後就話好大機會個生產過程會好耐同怕最後都或者要開刀。所以又要再一次諗嚟個問題!當然我唔想老婆咁辛苦,亦知道老婆做咗一個我覺得好偉大嘅決定,但係聽完醫生講我哋又打回原形。點都好,我最緊要嘅就緊係母子平安啦。所以下星期再去做多次檢查睇下有無改變。

「準備」

除咗老婆之外,我都已經隨時準備好有乜依郁就同老婆去醫院。不經不覺預產期越嚟越近,而家真係希望快啲見到嚟個小朋友。希望佢聽聽話話快啲落盤,同唔好辛苦佢阿媽。照而家嘅磅數,佢應該大約六磅幾,唔算太大隻。而家佢仲好似係老婆個肚住得好舒服咁嘅樣,雖然頭仔已經係下面,本來諗住佢已經準備出嚟,點知真係無動靜。唔知係唔係我成日講話佢一出嚟就打佢屁股。。。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Click to share on Facebook (Opens in new window)Click [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Click to share on Facebook (Opens in new window)Click [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Click to share on Facebook (Opens in new window)Click [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Click to share on Facebook (Opens in new window)Click [...]