啟晴邨

「含鉛」

真係唔係講笑,點解啱啱落成兩年多嘅公共屋邨「啟晴邨」可以發生啲咁嚴重嘅問題?啲食水竟然含鉛量超標?我真係以為自己唔知去咗啲乜野落後國家,因為連最基本嘅品質驗證到做唔好,又話驗樓嘅時候無驗啲食水有冇含鉛。講真嚟啲唔係最基本要做嘅嘢咩?先唔好講解決方案或者追究責任,首先係唔係要安頓好啲居民呢?

「政府」

隔咗咁多日,呢件事件真係越嚟越離譜!香港政府真係樣樣嘢都慢過人,仲要不斷咁推卸責任。其實講咗咁耐,連一個解決方案都拎唔到出嚟,下下要啲居民嘈到拆天,佢哋先至做啲嘢。講真如果發現啲食水有問題,早就應該成個屋邨去驗啦。仲有你叫啲居民點算?唔通日日去買蒸餾水?就算有水車同駁街喉又點?搞到好似制水咁,真係大鑊。

「責任」

究竟邊個要負責任,嚟刻就真係好難講,因為個個係度將個波傳嚟傳去。誰是誰非真係仲有排去調查。但係俾人嘅感覺就係政府部門點解唔主動去提出解決方案,而好多時係為咗紓解居民嘅不滿先至供應樽裝水同接駁街喉供水。驗血就梗係要做㗎啦,唔係淨係較高風險嘅居民先要呀?今次事件再一次證明政府部門係自己顧自己,所以成日做嘢慢吞吞,又不斷浪費納稅人嘅錢!

Leave a Reply

Your email address will not be published. Required fields are marked *

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]