做評判

「一年」

唔經唔覺又一年,今年「谷歌年輕創業企劃」再一次搵咗我去做其中一位評判。當然其實自問無乜資格,因為比我做得好嘅人大有人在。但係每一次都非常開心見到一班年輕人為佢哋自己嘅夢想奮鬥!每一次都會遇到一啲好特別嘅方案,而且好有啟發性。當然亦有啲方案仲有好多問題要解決,如果有人指點下或者可以去得更遠!希望大家繼續努力啦!

「評判」

去做創業比賽評判,我覺得最緊要係要用客觀嘅角度去評價同決定佢哋嘅創業方案。因為有時候,有啲初創公司已經好有經驗,所以佢哋有一定嘅優勢。我其實比較注重佢哋當時嘅表現同可否善用嗰短短十五分鐘!另外我亦注重市場推廣,因為我發現好多時初創公司忘記咗嚟件事。特別係好多做平台同依靠用户支撐嘅營運模式。當然如果牽涉到數據嘅話,我一定好會留意!

「感想」

今年其實覺得比上年好,見到大家都好俾心機去做!但係仲未可以一針見血。做得好同唔好嘅分別係在於經驗,而後者係會有推廣策略同搵到客源。另外好多時都無好好時間,因為十五分鐘可以話長又可以話短,但係用五分鐘去講概念其實有啲多。當時好多嘅調查,個量比較細,同好多時用外國數據,有時係好但係如果係香港開始就無乜關係。到最後係要現實啲,成本等經濟效益要清晰咁表達出嚟。理念係好,但係創業係好殘酷同好現實!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]