早啲瞓

「香港」

每年嚟啲時候都係打風季節,而今年就真係超級變態,竟然同時間有三個颱風係太平洋上出現!而個個風都好勁,而「燦鴻」更被預測佢將會發展成一個「超級颱風」。因為同時間有幾個颱風,因此大家互相影響對方嘅移動路徑。所以就算香港有「李氏力牆」都未必抵擋得住!而今晚真係玩嘢,本來諗住有可能打今年嘅第一個「十號」風球點知快嚟快去。

「颱風」

今晚颱風「蓮花」本應會正面吹襲香港,而大家諗住嚟個風會好勁。本身佢佢係俾另外一個颱風「燦鴻」影響吹向台灣。點知好似「藤原拓海」玩飄移咁,「頭搖又尾擺」掟咗個靚彎,然後吹咗嚟香港!本來睇衛星雲圖「蓮花」已經由一個熱帶低氣壓再次增強變返做一個颱風!諗住朵「蓮花」會吹到正啦,但係突然又極速減弱,大家都係早啲瞓覺把啦!聽日要返工呀!

「藤原」

點解今次咁難預測颱風嘅路徑?主要原因係因為「藤原效應」!唔通咁就可以打敗「李氏力牆」?其實「藤原效應」係指當兩個漩渦嘅渦度,質量同相對位置,而互相影響嘅狀態。所以大部份嘅氣象預測係好難計算到係呢個情況下嘅颱風路徑。當然通常係嚟啲情況底下,邊個風較強就會影響較弱嗰個,所以今次「蓮花」係俾「燦鴻」應響咗佢嘅移動路徑。如果個風夠勁嘅話係可以吞埋較弱嗰個添!