大跌市

「股市」

之前做「大時代」都未有出現「丁蟹效應」,原來個股市反應遲咗少少。個股市真係越跌越急,我都係嗰句喇,投機同投資嚟啲嘢邊度有長升㗎!當然你可以話係恐慌嘅心理令個股市大跌,但係過去咁嘅升幅背後係靠乜嘢去支持呢?係咁唔穩定嘅環境,講真我真係玩唔起,就算玩得起,我自己都唔會買股票。始終投資我唔叻,就算同自己做數據分析好似好有關係,但係都係好危險!

「港股」

其實當中國政府話要求市同主動干預市場,大家點會覺得無事呢?有時有啲嘢係干預都干預唔到,根本大環境就有問題,反而自然爆破仲未必跌得咁犀利。今日跌到阿媽都唔認得,高峰嘅時候跌咗二千一百點,而睇數據嚟講應該係第一個大跌市,之後會作短暫調整然後有機會再跌過。不過數據還數據,好多時要睇埋外圍環境。希望有買股票嘅朋友可以及時離場啦!

「數據」

如果用我分析數據嘅專業同角度嚟分析股票市場其實係可以,由其金融市場嘅數據特別多,而好多都已經整理好。雖然我唔炒股票,原因係我唔鍾意投機,同時亦唔好同我講其實唔係投機而係投資,因為對我嚟講都係買緊股票,個風險係冇分別!當幾個移動平均數都比咗訊號大家嘅時候,其實就真係無必要博。我認真覺得今次嘅跌幅只係第一波,而且有明顯下行嘅跡象,大家真係要小心呀!

(Visited 50 times, 1 visits today)