白牌車


個人分享
Tagged With: , , , , , , , , ,

「市場」

每個行業都有唔同嘅週期,行業嘅興衰有時係因為俾時間巨輪而吞噬。現今科技發達,取而代之嘅唔單止係傳統行業,而係新嘅經營模式。人類對事物嘅要求越嚟越高,如果服務質素欠佳亦都會流失客源。就好似今次嘅的士事件!雖然好多的士司機都好好,但係我相信大家都遇過拒載,短途車俾面色你睇,俾說話你聽,重要好多交通意外都係關的士司機事。

「問題」

首先我諗大家要討論嘅係點解會有新嘅營運模式而唔係不斷話人哋搶咗你飯碗!當然做任何嘢要係法律容許下運作。好似政府加煙稅,咁咪多咗人買私煙囉,但係就犯法。好明顯就係因為現時嘅的士司機嘅專業同營運嘅問題導致消費者不滿而轉投其他營運者。就好似八折的,人哋平啲服務好啲,而佢哋所謂嘅白牌車,其實收費仲貴過搭的士。咁點解仲有人搭呢?

「挑戰」

其實如果作為一個業界,點解佢哋自己唔團結去開發一個新嘅平台嚟?人哋做到,點解你唔可以?我相信如果你話有個手機程式同平台有全香港嘅的士仲可以預約嘅話兼可以俾埋錢,咁應該可以解決到某啲問題。而到操守同態度嘅問題,呢啲係人嘅問題所以科技係解決唔到。除非個平台有申訴機制可以評價啲的士司機同有人跟進事件。講到底係因為不思進取,唔諗下問題根源,如果再唔改變就會慢慢被淘汰,到時就太遲了。