剝牙仔


個人分享
Tagged With: , , , , , , , , ,

「牙仔」

今朝一早終於好不情願咁帶大仔去獸醫度睇下剝唔剝啲牙仔,因為佢年紀大擔心風險高,所以要等驗血報告先知做唔做得剝牙手術。當然因為佢超級醒目,所以今朝已經對我超級防範,怕我捉佢去睇醫生同剝牙仔。當然我扮若無其事,而且係唔好嚇親佢嘅情況下快手快腳捉咗佢入房,等佢自己行入個去街袋入面。今朝佢都算乖但係超級蠱惑,因為入完去之後想靜靜雞偷走。

「手術」

今朝去睇獸醫嘅時候,我哋就同佢醫生講傳心師同我哋講嘅嘢,話佢食嘢嘅時候會痛,同時上面啲牙唔舒服。雖然佢話自己食到嘢就得,但係同佢磅重嘅時候就輕咗少少。所以都覺得係因為牙痛嘅原因食少咗嘢。而我哋就等佢個驗血報告出咗,知道佢可以做手術先敢離開。因為怕有乜事可以立刻接佢走。最終醫生話一切正常,可以幫佢剝牙,但係就要睇實質情況再通知我哋要剝幾多隻!

「休養」

當然大仔個手術唔細,但係都要做。因為佢唔細,如果大啲先再做,風險仲高!所以都係越早做越好,而希望可以斷尾!個醫生好好,佢大前提係大仔嘅安全,而佢發現原來除咗虎齒同一隻本身有事嘅牙仔要處理之外,仲有一隻碎咗。聽到再一次心痛!希望今次係大仔受苦嘅最後一次!你要快啲好返,同我地一齊迎接細佬出世!我哋好錫你㗎!你係我哋最愛嘅大大佬!見到你無事,開開心心生活就得㗎啦!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]