粉塵爆


個人分享
Tagged With: , , , , , , , , ,

「粉塵」

相信好多人都未必知道乜嘢係『粉塵爆』,但係如果你上年有睇過一套戲叫『救火英雄』應該會知道大約『粉塵爆』係點樣形成。『粉塵爆』係指懸浮係一個封閉嘅空間入面嘅可燃「粉塵粒子」快速燃燒。只要可燃粒子係空氣中分散嘅濃度夠高再加上火源,咁樣『粉塵爆』就有可能會出現。而『粉塵爆』係好危險,真係戲都有得你睇!

「爆炸」

現實生活中『粉塵爆』係唔常見,原因係要係一個好特定嘅情況下先會發生。但係過去個週末,台彎新北市八仙樂園所舉辦嘅顏色派對就發生咗一次『粉塵爆』嘅慘劇。今次嘅爆炸導致五百多人受傷,而大部分人係俾火焰高溫灼傷,四肢同面部皮膚脫落,而嚴重嘅係會導致呼吸道灼傷需插喉幫助呼吸。希望傷者可以堅強面對嚟緊嘅治療同大家可以早日康復!

「危險」

香港唔係無呢類嘅活動,就係上年嘅十一月,有一個跑步活動。當參賽者每跑完成一公里嘅賽程之後,賽道兩旁嘅工作人員就會投擲彩色玉米粉炸彈。當然玉米粉亦係今次新北市嘅『粉塵爆』嘅成因之一。其實香港政府係二零一三年已經拒絕呢個活動,唔相信係同安全有關。所以大家去玩之前,真係要注意安全,唔好樂極生悲。希望大家吸取教訓同提高安全意識啦!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]