睇賤熊


個人分享
Tagged With: , , , , , , , , ,

「賤熊」

相信好多人都睇過賤熊嘅第一集,而第二集啱啱今個星期上畫。當然係郭大少出細前同老婆去多啲二人世界,入戲院睇多幾次戲啦!我諗大家都係覺得賤熊好好笑所以先入場睇。咁老實講我都係,不過每套戲背後都有一啲信息俾大家,又咁啱上個星期五美國又通過咗全國同性婚姻法案。所以覺得賤熊上映都幾合時,因為佢亦都係講人權嘅問題。

「信息」

如果你仲未睇嘅話,我可能會有少少劇透。所以如果你想知少少個故事大約講啲嘜先好睇落去!大家都知道第一集賤熊只係一隻毛公仔,因為某啲原因,主角有日許咗個願,之後隻公仔就因此有咗生命。當然因為賤熊好鬼死賤啦,所以套戲先至咁好笑!到咗嚟集,賤熊要返回現實世界,由結婚到希望有小朋友,而觸發嚟個社會對一隻熊仔到底係一件物件定係人類嘅疑問。

「感想」

睇完之後,我覺得呢個係現實,一隻有思想,有感情嘅公仔只係想得到人類同等嘅權利。因為佢係一隻公仔,就係咁所以無權擁有同人類相等嘅權利。試問世界上有幾多地方,有幾多人都冇辦法享有平等嘅權利。係呢個地球上面,除咗人類之外,其實係有其他生物。只不過現實係我哋係一個弱肉强食嘅世界,而人類因爲有較高嘅智慧。所以除咗人類本身唔平等之外,其實地球嘅生物都係一樣。

(Visited 101 times, 1 visits today)