嬰兒樂


個人分享
Tagged With: , , , , , , , , ,

「倒數」

好啦真係倒數一個月啦,仲有一個月郭大少就面世同大家見面。今日亦都同老婆,郭大少去影大肚相。心情就緊係好緊張,好期待,好興奮。尤其身邊好幾個朋友嘅大少同千金陸陸續續咁出世!睇到都登佢哋開心,因為個個都健健康康同好鬼死得意!本來今日老婆一心諗住係影相之前再去睇醫生,睇下可唔可以照到多一張清楚啲嘅相,但係再一次唔俾我哋睇佢個樣。

「好洩」

呢個郭大少真係好鬼洩!依家到時到候係阿媽個肚打功夫,我哋諗咗好耐點解。終於我哋發現係我哋食飯時間,而佢真係好準時咁叫你食飯。真係比佢激死!好啦有時食甜品又係咁,好食就蹋兩嘢,轉嚟轉去!到咗夜晚老婆諗住瞓覺舒服啲,所以打橫瞓,等個肚有嘢墊下唔好咁重,點知呢個郭大少又唔鍾意,又投訴!搞到老婆又要打返平瞓。你話佢出嚟係唔係要打屁股呢?

「準備」

其實唔知準備晒啲嘢未,都係盡做啦。新手爸媽係咁架啦,總會有啲甩甩漏漏。不過,係過去幾個月真係過得好快,唔經唔覺就出世。淨係仲有好多嘢要安排,而出世前所準備嘅其實真係微不足道。到佢慢慢大咗之後先至有排煩。點都好,為人父母就梗係擔心自己嘅仔女,所以先有呢句「養兒一百歲長憂九十九」,以前唔明,而家就明晒!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]