玩手錶


個人分享
Tagged With: , , , , , , , , ,

「手錶」

一個機緣巧合嘅情況下獲贈一隻「蘋果」手錶。講真我好少會買任何第一代嘅玩兒,事關好多時都有唔同嘅毛病。就好似蘋果第一部平板電腦咁,又厚又重,但係一出第二代就即刻唔同晒。好啦講返隻手錶,到而家帶咗幾日啲用電量好似比我想像中好,唔係好食電。不過新野通常都無啲咁嘅問題。但係條膠錶帶就真係一般般。有日帶到我敏感,痕痕地。

「功能」

因為係人哋送,所以錶面比較細,而認真覺得唔係好好用。而且用咗咁多日,真係覺得啲功能好多都無用,講真就好似隻普通嘅電子錶咁。唔知係唔係我唔識用,但係好多訊息睇到覆唔到,咁點解我唔即接開手機睇呢?當然如果係提示,咁還可以,只不過屏幕太細,有時睇啲信息就有啲麻煩,所以到最後都係拎番部手機出嚟。最大鑊嘅係要用部電話嘅網絡嚟上網,嚟點係最無奈。

「升級」

當然我唔相信蘋果呢隻手錶淨係得咁少嘅用途,但係如果嚟刻要幾千蚊買隻電子錶我一定唔會買。最慘嘅係一條錶帶都要幾百蚊,真係唔捨得。但係點都好,我對佢嚟緊嘅軟件更新同下一代比較感興趣。通常蘋果啲嘢都係咁,第一炮都係試水溫。如果你未買嘅話,不妨諗諗等吓先。現時未有好多我覺得有用嘅手錶程式,同時我發覺佢同部電話溝通好似有啲慢。認真建議睇定啲先買!