父親節

「節日」

今日係父親節,希望各位父親都開開心心咁同仔女過一個愉快嘅節日。當然今日郭大少仲有三十幾日先出世,所以要隔住老婆個肚同我過第一個父親節。我都發覺好多時我好似唔緊張咁,但係講真嚟刻其實係會有啲緊張。希望係佢出世前做多啲,等之後會有多啲時間照顧老婆同個仔。作為人夫同人父,當然希望俾最好嘅嘢屋企。所以要努力啲!

「回報」

我自己就好少想個仔點,只要健健康康,快快樂樂,我就心滿意足。嚟個係我覺得作為一個父親最好嘅回報。當然父母對每個仔女或多或少都會有不同嘅期望,而我希望佢放眼世界,去睇不同嘅事同物。做人最緊要開心,做到自己想做嘅嘢。名利唔係最重要,最重要係懂得分辯事非黑白,做嘢對得住自己,對得住人!咁就係最好嘅回報!

「老婆」

其實不論係我定係老婆,都好期待佢出嚟。今日雖然佢真係我老婆個肚入邊,但係老婆就好有心機整咗張咭俾我,同阿仔代我講「父親節」快樂。咁唔使問就當然好開心啦!你十個月嚟真係辛苦晒我老婆,而家個仔日日到時到候就踢我老婆話要食飯,好似李小龍上身,係個肚入面打功夫!係嚟刻我當然期望佢出世嘅時候順順利利同老婆唔好太辛苦啦!

Leave a Reply

Your email address will not be published. Required fields are marked *

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]