演講學


個人分享
Tagged With: , , , , , , , , ,

「參與」

過去幾年真係無數過自己去過幾多個講座同培訓課程。自己亦已唔同身份參加嚟啲活動,而我當然享受做演講同培訓嗰個啦。但係講得好唔好就真係唔知,事關唔係好多人會同我講返我做得好唔好。所以如果有人肯同我講返嘅問題,其實我係歡迎之至!如果唔係真係好難進步。而當每次有咁嘅機會,我都好珍惜,事關越做得多就越得心應手。

「材料」

每個人準備嘅材料都有唔同,好多時一眼就睇得出講者有無用心去準備。有時又無考慮聽眾嘅背景,令大家都無辨法好容易理解。我自已最怕嘅就係一大堆字同照書讀!因為如果係咁,我點解要坐係度聽你讀書呢?不如你成份嘢俾我返屋企睇好過啦!所以我丶每次都睇吓有邊啲人嚟聽我講嘢才調整我嘅材料。當然最希望大家聽完有得著,如果唔就無意義了!

「互動」

另一個我覺得作為演講者應該做嘅係同聽眾互動。因為好多時係非常單向,但係有時就要睇吓個場合適唔適合。互動另一個目的係可以更加了解聽眾,咁講解之後嘅內容就可以再作調整嚟迎合聽眾。所以有時互動係可以加強你所傳遞嘅內容同信息,令聽眾更有親切感同更易理解!不過要互動係一種技巧,同要適當使用。如果唔係就會弄巧反拙!

Leave a Reply

Your email address will not be published. Required fields are marked *