被否決

「政改」

今日終於係「一人一票選特首」表決「八三一框架」政改議案嘅日子。我諗好多人都冇諗過會出現咁嘅結果!咁結果就梗係好事而唔係懷事啦!立法會竟然係大比數嘅情況下否決「政改方案」:二十八票『反對』,八票『贊成』!講真今次應該係「建制派」第一次行錯棋!本應佢哋諗住齊齊走人,但係點知仲有八個建制派議員仲係會議廳入面。所以最終要表決「政改方案」。

「否決」

今次好肯定「建制派」嘅如意算盤打唔響,無啦啦冇人發表言論,無啦啦要求休會,無啦啦起身走人。最好笑嘅就係之後話想等齊人,後悔無機會投票,無好好溝通。其實講到底,係唔係想卸膊呢?之後就可以大條道理咁話,嗱我哋都無投票,唔關我哋事架。但係陰謀論咁講,都唔知係唔係專登嘅。事關擺明係唔會通過個方案,所以一不做二不休,齊齊走人。見「泛民」走人都見得多但係「建制」都好似第一次!

「今後」

好啦而家先至係遊戲開始嘅時候。你認為否決咗今次嘅方案,我哋香港人就有好日子過?咁未免妙想天開咗啲。如果真係要有「真普選」其實仲有好漫長嘅路要行。所以大家唔好咁開心住,因為一日仲未爭取到一個真正「普選特首」嘅方案都未算係成功!以後會係點真係無人知,但係最起碼今次係咁耐以嚟「建制派」罕有咁失手,而泛民真係要好好團結,唔好再好似一盤散沙咁!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]