超心痛


個人分享
Tagged With: , , , , , , , , ,

「家貓」

我屋企最大嗰個除咗我老婆之外就一定係個大仔「Robbie」!其實之前佢啲牙仔一路都唔係太好,試過去洗牙同剝牙仔,但係牙肉都有啲發炎。食咗幾次抗生素都無乜好轉,又怕佢要剝隻「虎齒」。當然佢年紀比較大又怕佢因為剝牙要全身麻醉,所以都唔係太想佢動不動就去洗牙剝牙。其實錢真係其次,淨係心痛佢每次有事都要受苦。

「甩咗」

當然我同老婆都好關心佢,近排亦因為個細仔就出世又冇乜觀察佢隻牙仔。直到琴晚老婆話餵零食比佢嘅時候佢好似唔係點咬嘢,所以突然閃一閃係唔係啲牙仔有事。點知一睇,隻「虎齒」唔見咗。突然心痛一痛,因為我以為前幾日洗個細仔啲衫,所以搬走咗佢張地氈。佢好鍾意訓嗰張地氈,我仲以為佢唔開心係因為我哋搬走咗佢。點知原來甩咗隻牙同啲牙肉腫咗。

「醫生」

都係怪自己唔好,之前因為有個牙醫唔係成日係香港,我又成日唔記得打電話返去問佢幾時嚟香港。而家好擔心個仔,好心痛。睇開嗰個獸醫又要下個月先返,而有名處理貓仔啲牙嘅醫生又無期。最快都要月尾個外國醫生返嚟先至有得睇。其他醫生又唔知信唔信得過。依家唯有俾住啲濕糧 Robbie 食希望佢唔會咁痛。不過最希望 Robbie 可以快啲好返唔好成日牙仔痛。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Click to share on Facebook (Opens in new window)Click [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Click to share on Facebook (Opens in new window)Click [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Click to share on Facebook (Opens in new window)Click [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Click to share on Facebook (Opens in new window)Click [...]