天氣瓶

「儀器」

唔知大家有冇聽過『天氣瓶』,其實佢又另一個稱呼就係『風暴瓶』(Storm Glass)。『天氣瓶』係一種十九世紀嘅時候用嚟做天氣預報嘅一個工具。而呢個工具係一個密閉嘅玻璃容器入面再加入不同嘅化學物質而組成嘅透明液體。最特別之處係佢會根據外界嘅溫度同天氣嘅改變而出現唔同嘅結晶體。當瓶內出現不同型態嘅結晶,就代表不同嘅變化。

「原理」

天氣瓶入面嘅結晶係會產生變化,主要嘅原因係因為液體入面嘅樟腦,硝酸鉀,氯化銨,蒸餾同酒精。當混合咗之後會隨著溫度而產生出唔同狀態。每當溫度出現變化嘅時候,三種物質嘅結晶同溶解速度各有差異而造成不同嘅效果。溫度嘅變化速度會直接影響結晶嘅成長大細同結構。而因為不同因素加埋一齊,就可以係天氣瓶入面產生千變萬化嘅結晶體!

「製作」

我其實想整好耐,不過仲未整。雖然研究證實,溫度係影響瓶內結晶型態嘅最主要因素,同無唔可以用嚟預報天氣,但係天氣瓶會隨著外界溫度展現出唔同嘅晶體變化。係製作嘅時候要注意『樟腦』會對『蠶豆症』患者造成嚴重急性反應,甚至會有生命危險。硝酸鉀同氯化銨會帶有刺激性,所以全程要帶上手套。最後硝酸鉀同酒精係易燃物,所以要遠離火種!

Leave a Reply

Your email address will not be published. Required fields are marked *