搞內容


個人分享
Tagged With: , , , , , , , , ,

「文字」

好多時我哋都會話內容係非常緊要,而要有好嘅內容就要先由文字入手。依家寫文真係唔容易,因為唔係好似以前個個會攞起本書慢慢睇,好多時要精簡同要有話題性。另外要考慮啲內容嘅用途同發佈嘅渠道,事關唔同嘅渠道有不同嘅讀者。至於係唔同嘅網上平台亦有唔同嘅規限,所以有時真係要好有創意,不過都咪話唔辛苦,事關真係好容易會詞窮!

「圖片」

當然一張好嘅圖片係可以代表千言萬語,但係要製造出一張有質素嘅圖片係一件好難嘅事,而當文字遇上一張好嘅圖片嘅時候又真係會如虎添翼。所以有時內容要靠一張圖或者一張相去吸引讀者嘅目光。好多時係社交媒體到可以見到大部份人會關注相片多於文字呢個現象,所以淨係得文字嘅話,係今時今日資訊快速流動嘅環境內突圍而出係一件好困難嘅事!

「短片」

近年因為科技同網絡迅速發展,好多嘢係十年甚至二十年前你同我都無諗過可以做到嘅嘢係今日都變得好平常。而當大家諗緊點寫好啲文同創作一張可以吸引讀者目光嘅相嘅時候,個社會已經轉移咗去有聲有色嘅短片。正因科技發達,依家要拍一段短片只需要一部手機,而大部份嘅年青人都喜歡睇短片多個文字。所以係今年,好多公司,報紙,雜誌都希望製作多啲短片嚟吸引觀眾。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]