新沙士

「韓國」

點解人類不斷犯同樣嘅錯呢?唔通人類已經唔記得十幾年前「沙士」有幾犀利?今次嘅新「沙士」係韓國有爆發嘅跡象,已到嚟刻仲未完全受到控制。係韓國人嘅衛生意識低定佢哋自私所致?因為一兩個人隱瞞病情,導致新「沙士」有機會係其他國家散播開去,真係有啲唔負責任。有啲仲要唔肯去隔離,其實係為佢好啫,但係好似殺咗佢咁。真係中咗嘅話都咪話唔大鑊!

「起源」

中東呼吸症候群(MERS)最早出現係中東,二零一二年九月係一個去過沙烏地阿拉伯嘅病患身上發現,但係最後卻導致腎衰竭。到嚟刻為止已確診超過四百宗而死亡人數超過一百三十人!從確診病例嘅一項評估指出,患者最常見嘅症狀係發燒,其餘係咳嗽,呼吸困難同肌肉酸痛,但係有時亦會出現腹瀉,嘔吐,腹痛。同時大部分患者都需要呼吸機幫助呼吸。

「危險」

好多香港人都好鍾意去韓國,而因為新「沙士」嘅出現,大家真係要小心啲。因為呢隻新嘅病毒嘅死亡率係高達百分之三十四,而零三年嘅沙士只係百分之八至十,換言之「新沙士」嘅死亡率係沙士嘅三四倍。另外,其他地方嘅「新沙士」由第一代傳播到第二代嘅時候已經受控制,但係南韓就有百分之二十五嘅患者屬於第三代嘅傳播,則係話「新沙士」嘅人傳人效率係比較以往高。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]