六月四

「六四」

今日係「六四」嘅第二十六個年頭。「八九」個年我九歲!仲好記得個陣時電視日日都有講嚟事件嘅發展,當然最記得係香港有一百五十萬人一齊上街遊行!雖然以前細個唔識咁多嘢,淨係知道係六月四號嚟一日,有一個冷血無情嘅國家竟然會出動軍隊去血腥鎮壓一班手無吋鐵嘅學生同市民。係二十六年前資訊無依家咁發達,好多事其實都被中國政府封殺咗。

「歷史」

到咗今時今日,有幾多後生仔會知道「六四」究竟係咩嘢一回事?淨係一件歷史事件?好記得前幾年竟然有香港大學生話「天安門事件」係無發生過,咁不如話「南京大屠殺」都無發生過?係中國做嘢嘅個幾年都有私底下同啲同事討論過「六四」,但係好多時其實佢哋都唔知發生過乜嘢事。一個大國竟然連自己都唔面對同承擔歷史責任,咁你點可以指意「日本」承擔佢哋嘅歷史責任呢?

「香港」

點解當年咁多人要移民?當然係驚香港係九七年回歸俾中國嘅時侯唔知會變成點。話就話五十年不變,但係講真你睇吓而家嘅香港!根本就係走緊下坡。不論「六四」又好「雨傘」又好,大家都係爭取緊民主自由,當然時代唔同咗,資訊發達咗,佢哋亦應該唔會好似以前咁亂嚟。不過大家要記得歷史,唔好俾時間令大家忘記「六四」!如果未出世嘅話,唔該自己去睇番當日嘅新聞同相關嘅資料。

(Visited 46 times, 1 visits today)