去荔園

「童年」

係我印象中,我應該係有去過荔園。因為前果排搵返細個啲相睇嘅時候,見到有幾張係應該係嗰度影。但係記憶好模糊,所以應該係好好好細個嘅時候。我淨係記得有隻大笨象咁大巴。當然「荔園」係香港人嘅集體回憶,所以當佢結業嘅時候好多人都唔捨得。闊別十八年之後,今年暑假會再係中環新海濱短暫重現!對於九十後嘅後生仔就真係唔知道「荔園」呢個地方。

「背景」

舊荔園係一九四九年開業,可以話係當年最有規模嘅遊樂場,而係一九五二年更加設動物園。邱德根係一九六一年購入荔園之後,再增設咗宋城。但係因為海洋公園嘅出現,影響咗荔園嘅入場人數同加上政府決定收回荔園嘅土地作發展而被迫係一九九七年完全結業。而係結業嗰晚更吸引咗二萬人次進場,每位入場遊客都會獲贈一套四款嘅閃卡作為紀念。

「暑假」

今年暑假雖然話會短暫係中環重建荔園,但係仲會唔會有以前嘅感覺?當然有啲嘢新不如舊,所以唔知呢個香港人嘅集體回憶會唔會因為呢次嘅活動而有所改變。不過點都好,背後嘅意義應該俾任何嘢更緊要。雖然我同老婆都想去,但係就啱啱撞正郭大少出世,希望佢哋遲啲再會舉辦多一次,等我哋都可以去懷舊吓。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]