居港權

「逾期」

相信好多人呢幾日都會討論一個聲稱係香港匿埋住咗九年嘅細路。首先唔討論佢嘅背景係點,利用假身份辦理雙程證入境已經係一個好嚴重嘅問題,則係偽造身份證明文件啦。至於佢嫲嫲,當然教唆他人逾期居留就一定係犯法啦。雖然講到個背景好慘,但係如果個個都好似佢哋咁仲得了?就算依家好似解決雙非嘅問題,但係呢個問題更加嚴重同深遠!

「先例」

雖然入境處係可以執行酌情權俾個細路係香港居住,但係有冇人知其實香港仲幾多呢一類人?如果今次政府俾個居港權嚟個細路,先例一開就會好麻煩,因為一定會有更多人用呢個方法攞個居港權。咁到時香港真係一街都係嚟啲無證嘅細路仔。有時唔係話唔同情某啲人,但係都要睇情況,睇下對個社會造成乜嘢嘅威脅先得㗎!

「讀書」

其實好似無人話過細路仔讀書唔啱,但係香港嘅教育本身已經有好多問題。如果依家一個無居港權同唔係由一個合法途徑嚟香港嘅細路可以享用香港嘅教育資源,咁先係個問題。到時個個都話匿埋咗好多年無讀書,跟住話包容下,體諒下,同情下,咁仲得了?當然遊行抗議去表達同反映問題係無問題,但係冤有頭債有主,影響到啲學生咪畀位人哋去插你囉。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]