低頭族

「手機」

曾幾何時我或者都係一個低頭族,但係現今嘅細路點只係低頭族咁簡單,直頭好似無咗部電話會死咁樣。點解啲人可以一路行全程耷低頭望都唔望吓周圍嘅環境。有時離譜到撞到人都可以若無其事,掂行掂過,好似同外界完全脫離咗。講真唔係唔話唔俾人用電話,只不過可唔可以唔好係啲人多擠迫嘅地方度淨係望住部手機呢?

「噪音」

其實我都會打機,但係有時見到啲人係地鐵或者多人嘅地方開住聲嚟打機,真係好想走過去兜巴星爆佢。打機打到咁,你係要開聲打嘅話就唔該帶返個耳筒先打,唔好噪到其他人!有啲人亦都好鍾意係大街大巷開到大大聲咁聽留言,其實我哋係唔想知道你啲私人嘢,無需要同我哋分享你嘅私人生活。尊重下其他人啦好唔好?

「抬頭」

講真成日耷低頭真係好危險,所以大家都應該抬起你低過的過的頭來!因為個個掛住玩電話,又唔讓個位俾有需要嘅人,撞到人又唔知。講真你條頸同膊頭有無因為玩得多電話而開始越嚟越痛。我其實幾懷念未有智能手機記日子,因為人嘅距離近啲,冇咁多嘢可以騷擾到你。當然有啲人會唔認同,不過事在人為,就算係低頭族都要顧下其他人嘅感受呀!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]