讓座呀

「讓座」

忍咗好耐到未得閒寫,終於要鬧爆啲超級自私精!我相信個個都會搭地鐵,而當然大部份繁忙時間你都唔駛旨意有位坐。所以盡可能我都唔想或希望我老婆大住個肚同人逼地鐵,一來人多,啲人係唔會理你係唔係大住肚,二來啲人係超級無品,唔會讓個位俾你!有時因為無車,同老婆搭地鐵真係見唔少嚟啲人。由其係啲年輕人!

「禮讓」

當然我唔會一支竹打一船人,但係好多時會讓座俾我老婆嗰啲人多數唔係啲後生仔女,大部份都係師奶(中年男士偏少),有時仲要係啲公公婆婆。最慘嘅係啲人其實唔係見唔到你,好多時佢哋會望一望你然後當冇事發生過,繼續坐定定係度!大佬呀,好心啦,連最基本做人應有嘅禮讓都無,唔通要人出晒聲你先至讓個位俾人咩?

「無奈」

好多時係地鐵就算唔係大肚婆,我見到老人家,或者有雖要嘅人,我都會讓個位俾人。其實有時我都唔係唔攰,但係後生仔都好應該讓吓人啦!但係真係好無奈,點解最會讓座俾人嘅唔係最後生嗰啲呢?唔通而家啲父母唔會教啲仔女讓個位俾有需要嘅人?重要地鐵整乜鬼「關愛」坐,「關愛」係應該發之內心而唔係強迫囉!第時佢哋就知!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]