口難言


個人分享
Tagged With: , , , , , , , , ,

「講嘢」

我真係一個超級唔識講嘢嘅人,好多時真係直腸直肚,講多錯多。有時又口快快,其實本來件事可以唔出聲吞咗佢當無事發生。但係好多時就係無好好控制自己嘅情緒,就係咁經常講錯嘢。所以就慢慢覺得唔講好過講,而好多嘢都自己食咗佢就算。所以其實唔係好多人真係了解我嘅內心諗法。但係當一講到做嘢,我嘅專業,就真係判若兩個人。

「難言」

相信每個人都有啲嘢係唔會同人講,正所謂「有口難言」。嚟啲嘢通常係自己唔想俾人知嘅嘢,又或者講咗其他人都未必明,就算明都幫你解決唔到嘅嘢。雖然話講咗出嚟會好似舒服啲,但係有時講完個問題仲嚴重咗。所以由細都大,好多嘢我都選擇性去唔講!但係會唔會積積下之後有一日會爆煲?其實係會,只不過睇吓頂得幾耐,有無啲乜嘢引爆佢!

「沉默」

選擇去收收埋埋嘅原因係我好多時覺得有啲嘢係唔需要講出嚟,正所謂「有苦自己知」,可必要身邊嘅人一齊擔心?就算全世界嘅人都唔明,唔緊要。事關我忠於自己,唔係樣樣嘢都要其他人認同。你可以話我「目中無人」,「自我中心」,但係有啲嘢「事實勝於雄辯」,我已經唔再計較。就算俾人誤會,我會選擇沉默,因為講嘢唔叻,越講越衰!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]