要換車


個人分享
Tagged With: , , , , , , , , ,

「迷你」

雖然話我好鍾意依家㗎車,除咗擺咗好多心血落去之外,其實佢真係幾好揸。不過接二連三嚟樣懷,嗰樣懷,都唔知想點。架車新買兩年多,除咗我後加同換嘅零件之外,我諗大部份原廠嘢都一一報銷。點解可以懷咁多嘢呢?我諗每三個月都最少一次。所以今日真係堅嬲!真係唔知係我好彩定唔好彩。睇怕真係唔可以唔諗換車。買多架又真係負擔唔起,係都買樓先啦。

「要求」

當然最緊要係可靠,因為通常最需要架車嘅時候就偏偏懷嘢。講真得一架車係無計,但係真係無咁嘅多餘錢買多架車。另一樣就係要四門,因為個仔出世之後要上上落落,所以兩門唔洗諗。但係講真睇嚟睇去都係冇乜心水,有啲牌子一早就唔考慮,所以得返唔多嘢揀。另外都諗,其實買新車定二手,當然鬼唔知新車好啲咩,但係睇中嘅又未必啱價錢。

「煩惱」

有時真係有車又煩無車又煩,揀一架合心水嘅車仲更加煩。如果唔係咁多嘢要整,我其實無諗過換車住,因為架車仲可以頂到多一兩年。當然買多架就乾手淨腳,唔使煩。但係現實嘅係就算有錢,都買咗樓同留返俾個仔用,正所謂一闊三大。個仔出世後有好多錢要用,唯一可以解決係搵多啲客,賺多啲奶粉錢。如果唔係就睇下有冇人仲會請我!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]