做分析

「痛苦」

分析數據其實係一件幾痛苦嘅事。因為好多時啲數據好凌亂,要浪費好多時間去整理。整理完之後先可以進行最初步嘅分析,仲未有任何有價值嘅發現。一般都係反映現實嘅數據。好多時你做分析係唔知道結果,原因係做完之後先發現無嘢睇嘅可能性極高。呢個過程有可能已經用咗你好多時間,所以你會好失望,點解做咁多嘢之後都係空手而回!

「學習」

當然你會話呢份工好似無乜成功感,因為失敗多過成功。但係當你搵到有用嘅數據就好似搵到一個金礦!真係可以點石成金!所以你要不斷嘗試,不斷失敗,永不放棄,追求知識先有機會成功。要成功嘅話亦需要學懂分享經驗,聆聽不同意見,接納其他人嘅批評同不斷學習新嘅事物。呢個係成功數據分析師應有嘅條件!高傲,自大,固步自封就一定唔會成功!

「分析」

數據最痛苦嘅除咗整理佢哋之外,另一樣嘢就係越嚟越複雜!因為好多新嘅科技同技術都不斷改變用戶行為。於此同時,數據無統一嘅分析方法。所以係好睇數據分析嘅經驗同功力有幾深厚。如果你無恆心,你未必可以成為一個數據分析師。當然科技可以加快分析嘅速度,但係仲係無辨法俾大家任何指引性嘅建議。所以做分析係會死好多腦細胞!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]