做推廣

「社交」

近年好多公司同媒體都紛紛由傳統媒體轉移到網上平台,而社交媒體自然由原本只係朋友之間互通訊息嘅地方變成一個推廣平台。無可厚非,呢啲人流集中地係兵家必爭之地。但係大家唔好忘記,呢啲平台唔係自己嘅公司嘅資產。但係每當呢啲平台改變遊戲規則,大家無辦法唔跟住去改,而往往俾啲平台牽著鼻子走。所以太過依賴社交媒體未必係一件好事。

「手機」

前幾年大家都會討論點樣用手機做推廣,但係今時今日仲有好多個網站都仲係唔可以正常咁係手機上瀏覽。咁點做手機推廣呢?有時真係唔明點解好多公司唔會係客戶角度去諗,就算拎埋啲數據出嚟,佢哋都唔肯改。有時真係激到趴係度!手機再唔係附屬品,而係主流市場。無一個好嘅手機策略自然輸蝕過人。所以當手機嘅數據越嚟越多嘅時候就越清楚客戶嘅行為。

「網站」

其實網站係一個非常重要嘅渠道,但係睇返好多公司嘅網站,往往就係十年如一日。一個網站好唔好可以影響深遠,不論你做任何推廣,網站係不可缺少嘅元素。因為網站係自己嘅資產,個遊戲點玩係由你話事。要人哋搵到你,內容同用戶數據係最緊要!原因好簡單,因為搜尋器係睇網站架構同內容,如果做得唔好,你想人哋搵到都幾難。而數據會話到比你聽你邊樣做得好,邊樣做得唔好。所以有啲錢係唔慳得!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]