港家長

「怪獸」

好多人都會講,香港嘅家長係怪獸,係直升機。當然大家經常性係報紙雜誌都睇到一啲離晒大普嘅新聞。講真我都好怕我會變成怪獸家長,所以經常同身邊嘅朋友講,如果我怪獸嘅話,唔該同我講。就算我唔覺,至少身邊有人提醒下我。當然我知呢件事係幾難,因為做人父母都會好保護自己嘅仔女。大部份嘅時間都應該聽唔入耳。所以先寫呢篇文嚟提醒自己!

「子女」

點解香港嘅細路仔喺港孩?咁當然係因為有怪獸家長嘅出現!有時覺得香港嘅細路真係無乜童真,幾歲人仔講嘢已經好鬼老積。今日唔係學嚟樣就嗰樣,唔似我哋細個嘅時候,做完功課係屋企樓下跑嚟跑去。個個依家話乜嘢贏在起跑線,但就因為咁令成個價值觀扭曲晒!啲家長成日將自己嘅小朋友同人哋嘅比較,講真有乜好比?係咁嘅環境成長嘅細路真係會開心?

「環境」

之前同幾個朋友傾過偈,個個都係話唔到你揀。就算你唔想怪獸,個社會會令你變成怪獸。唔駛講多,就由讀書開始。個個好似去見工咁,攞住本嘢,入面嘅證書多不勝數!人仔細細邊得嚟咁多證書呢?但係如果你無就好似唔正常!當然我知讀一間好學校嘅重要性,但係咁既社會價值同標準係邊個定嘅呢?講真我討厭呢個制度同遊戲,但無奈嘅係我,我老婆同個仔有得揀咩?

Leave a Reply

Your email address will not be published. Required fields are marked *

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Click to share on Facebook (Opens in new window)Click [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Click to share on Facebook (Opens in new window)Click [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Click to share on Facebook (Opens in new window)Click [...]