捉綁匪


個人分享
Tagged With: , , , , , , , , ,

「綁匪」

香港好多年都好似無試過發生咁大單嘅綁票案。據報導指班綁匪全部係內地人,而且勒索富商嘅金額高達港幣二千八百萬。事件中綁匪竟然成功攞走啲贖金並且逃脫,好彩嘅係肉參安全被釋放。相信被綁架嘅富家女真係經歷生死一百一十四小時,因為真係唔知有無命返屋企,仲要係一個女仔就更加危險。

「警察」

當警察得知肉參安全被釋放之後,隨即就展開代號「捷進行動」係全香港嘅「海陸空」搜捕綁匪。其間啲警察係港九新界多條主要隧道及幹線,包括紅磡海底隧道、將軍澳隧道、獅子山隧道、九龍灣壠福道、元朗青山公路等,及沙田及馬鞍山一帶均設置路障。在場嘅警察都著住避彈衣,荷槍實彈截查可疑車輛。

「總結」

今次嘅事件就證明咗香港啲警察真係唔識捉賊。當啲綁匪走甩咗就賴呢樣果樣,例如:因為要保障人質嘅安全,因為係網上面駕駛者發佈路障位置,因為最近有人以非理性衝擊警方執法權力及抹黑警方導致不守法風氣係香港流行,等等!我淨係想講啲警察「講就叻,捉賊就無能為力」,就好似上次有賊打劫錶行咁。要等一排先被中國公安拉咗。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]