武媚娘


個人分享
Tagged With: , , , , , , , , ,

「電視」

本來諗住電視終於有啲嘢睇,因為「武則天」係星期日開始每晚九點半播出。嚟套電視劇早前係內地引起好大回響,而最多人討論嘅係劇集中出現各種「爆乳」嘅橋段,尺度大膽。但係播出無耐就要停播,再重播嘅時候鏡頭被重新剪輯,露胸嘅遠景或全身景都被拉近到得返個頭。完全影響套劇嘅觀賞性!不過認真講,套嘢差唔多一百集,唔怪得無綫要日日播!

「播放」

當然電視劇就梗係唔會十足十跟足歷史啦,最大嘅問題就係唔同地區都有唔同嘅播放手法。內地最初嘅版本係九十六集,由第十八集開始就變成「大頭版」就連原先係網上面發報嘅十七集都重新上載過。至於香港就用新方式處理劇中女主角「暴露」嘅爭議,為劇中女主角被認為係「暴露」嗰啲部份利用電腦技術加工,而且縮短至七十四集。而台灣係一保留無修改嘅版本。

「西安」

好多年前因為公作原因去過西安。最記得嘅就當然係「兵馬俑」同「武則天」!不過上次去得太急,如果有機會嘅話真係想去多次西安睇多次。作為唯一一個中國歷史上嘅女皇帝,而武則天就對歷史發展作出三樣貢獻。第一個貢獻係打擊保守嘅門閥世族。第二係促進了經濟嘅發展。武則天係建言十二事中就建議「勸農桑,薄賦役」。第三個貢獻係推動了文化嘅發展。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]