港咖啡

「熱話」

真係無諗過,一個「香港資訊及通訊科技獎」嘅「全年大獎」會變成行內外嘅熱話,嚟部「Arist 咖啡機」足足講咗兩星期,而件事今日仲未完結。相信好多人都會問點解咁多人討論呢?咁就真係有排講,因為呢個連續劇有好幾個討論點。但係點都好,一間公司,一個項目俾外國人話佢詐騙,仲要開個網站講呢件事,我諗都係第一次。如果屬實「香港資訊及通訊科技獎」多年嘅認受性就大打折扣!

「問題」

第一,點解佢攞到「全年大獎」?因為參賽項目必須為已投入市場或已被應用之產品,但係產品仲未推出市場。第二,係外國有好多人係 Kickstater 投資但係佢哋無乜交代進度,最近仲話遭受黑客攻擊。第三,從來無展示過部咖啡機從頭到尾點運作。第四,間公司同產品都未成熟就成立平台教人籌集資金,擔任客戶的顧問同客戶分帳,抽取募集資金嘅三成。

「總結」

好多網上嘅討論同不同媒體嘅報導都未能夠解除大家嘅疑問,反而仲越搵越多嘅問題,好多嘢仲越描越黑,唔講好過講!當然有啲問題係關個主辦機構同個評審委員會。因為如果事情係熟實嘅話,佢哋一定飽受攻擊。所以事實勝於雄辯,如果部「咖啡機」真係面到世嘅話,以上大家嘅問題就再不存在。個陣時就只怪創辦人無好好同佢嘅支持者好好溝通以引致今日嘅局面!

詳情:
KickStarter
Arist: Brews Coffee Like The Best Baristas Anytime Anywhere
Arist: Brews Coffee Like The Best Baristas Anytime Anywhere (Backers Comments)

Arist Scam
外國苦主大聯盟

StartBeat
爆紅智能咖啡機獲獎
咖啡機Arist稱被駭客盜資料 遭backer質疑找藉口延期
Arist 咖啡機獲獎惹爭議 主辦方:無違反參賽資格

Unwire
港人 Startup 之恥 ? 集資後不出貨指被駭,負責人沒回應
【跟進報導】Arist 咖啡機兄弟:「我哋無整臭香港個名!」

e-zone
Kickstarter 計劃易出事? Arist 開發者:10 月出貨不再延期

南華早報
Backers complain after Kickstarter-funded coffee machine start-up Arist delays delivery

熱血新聞
獲獎港人咖啡機Start-up再爆黑幕 退款、出律師信阻投資者批評聲音

蘋果日報
智能咖啡機Arist是集資騙局?開發者記者面前試機!