大自然

「希望」

今次尼泊爾七點九級地震已經令當地及周邊地區做成超過二千二百人死亡,另外有超過五千人受傷。呢次地震唔知希唔希因為早前智利嘅火山爆發而令地殼板塊移動嘅連鎖反應。不過最希望嘅係啲仲未搵返家人嘅屋企可以早啲日搵到佢哋。現時大家只可以繼續留意最新嘅新聞得知當地嘅情況,希望啲餘震唔好再造成更多嘅傷亡。

「地震」

大家都知道大自然嘅力量可以好可怕,而可怕嘅地方係因為人類無辦法去改變嚟個自然定律。近年嘅天災好似越嚟越多,尋日嘅尼泊爾大地震同近日嘅智利嘅火山爆發,甚至幾年前嘅日本大地震同南亞海嘯等等都不斷提醒我哋大自然嘅威力有幾大。人類真係好渺小,就算科技點發達都無可能對抗大自然。希望嚟啲天災唔好再做成更大嘅人命傷亡。

「世事」

係呢個地球,好多嘢我哋係控制唔到,而生老病死係大自然嘅循環同定律。做人有時真要懂得珍惜生命,要學曉放開!人生係好短暫,冇嘢係永恆。就算你今日名成利就,但係亦敵不過自然定律。人生真係過眼雲煙,何必執著某啲事同物,因為你唔知道下一秒鐘會發生啲乜。平凡是福!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]