在家中

「返工」

好多時去見客或不同嘅活動,大多數人會問我你公司係邊。當我同佢哋講我哋無辦公室嘅時候,第二句會問我嘅係你啲員工呢?個答案就係佢哋一係去咗個客到做嘢,唔係就去個客度開會。無乜特別事做係屋企做嘢。我諗係香港,大多數人會覺得好奇怪,一間公司點解會無辦公室。其實好多年前,外國公司已經實行係屋企工作嚟提高工作效率。

「彈性」

其實我哋做諮詢嘅服務真係好少係辦公室。因為要走嚟走去,所以辦公室嘅使用率好低。另一樣就係當你嘅員工日日要一兩個鐘頭返工嘅時候,其實時間耐咗佢哋都無精神做嘢。所以我哋要好有彈性。不過好多傳統公司覺得要員工返朝九晚六佢哋就會做嘢同好有效率,但係往往未必係你咁諗。今時今日要靈活變通,返工唔一定要係辦公室嘅!

「管理」

如果無一個辦公室係唔係好難管理?其實如果善用科技同注重團隊溝通就會好好多。但係當然有時要面對面傾嘢啦。另外要訂立目標同要確保員工準時交貨先可以有效管理公司嘅運作。另一關鍵係員工嘅自律性,如果唔係後果都可以好嚴重。嚟啲其實都係以前係大公司工作嘅時候學返嚟,只不過係香港唔係個個人都適合係嚟種模式工作。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]