我要真

「老爺」

今日最多人講嘅題目相信除咗「丁蟹效應」之外就一定係「黃秋生」係香港電影金像獎頒獎典禮講嘅「我要真。係做司儀」。無論你對佢有冇好感都好,好多時無論係訪問或者網上嘅言論都展示出佢嘅清晰嘅思維。如果你有睇過佢講「歧視」嘅訪問就知道佢講嘢係好有邏輯同句句到肉。今次除咗「我要真」之外,「袋住先」亦都係另一個焦點!真係「抽」到盡!

「妙語」

講真,係頒獎禮見到黃秋生就預咗有正嘢聽,就等於係叱咤見到林海峰一樣!當然連串妙語都係深思熟慮同諗過度過先有咁嘅效果。短短幾分鐘就串爆「王晶」Unfriend 某啲藝人,「我要真。係做司儀」暗示「我要真普選」同鄙視個政府叫人「袋住先」。有時唔係講嘢多就得,只要句句到肉,效果會仲好。嚟一段就輕易變成整個頒獎禮最好睇嘅一環!

「萬能」

其實香港人除咗「我要真普選」之外,其實仲要好多嘢。「我要真」嚟三隻字真係變咗萬能匙!無論係唔係「真普選」定「袋住先」,只要係香港人認同而且係大家一人一票選擇嘅,結果係點唔緊要!最緊要嘅係每個香港人可以係一個公平,公正嘅制度下做自己嘅選擇。所以「我要真。。。正嘅選擇」!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Click to share on Facebook (Opens in new window)Click [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Click to share on Facebook (Opens in new window)Click [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Click to share on Facebook (Opens in new window)Click [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Click to share on Facebook (Opens in new window)Click [...]